Camal Lələzoə - Ni bəbemon

Şələkə | Yüklə | Download | Скачать


İ nıbomon ni bəbemon, şinə bo!
Məğsəd iye, fikir iye, ko iye  Çəmə ruşnə, çəmə həşi, ço iye  Sıvo cəm be, sıvo qarde ro niye  Oxo kəynə i bəbemon, şinə bo?!  İ nıbomon ni bəbemon, şinə bo!
Kimon heste sıvo ıştə cohondə?  Xunımon i qardedə çəmə condə  Yəndıku dim bəqor-dınemon çandə?  Rə-di oxoy pi bəbemon, şinə bo!  İ nıbomon ni bəbemon, şinə bo!
İbemone çəmə ğıvvə, çəmə zü  Anqivini çanə bakan təvən, sü?  Çok zınedəş dınyoədə veye dü  Dı ro oxo ki bəbemon, şinə bo?!  İ nıbomon ni bəbemon, şinə bo!
Erəx, bıvind Pəpoki el bedə xo  Okuşiyə çı Zərdusti voşnə ço  İmkon mədə deşmıni dıl bıbo şo  Kəynə zulmo si bəbemon, şinə bo?!  İ nıbomon ni bəbemon, şinə bo!
Çı Tolışi veye cəfo, veye dard  Çəy boğçədə asp tojnedə pozi sard  Boy bıbəmon bo iyəndı qıləy pard  Qasdbu dı ro çi bəbemon,     şinə bo!  İ nıbomon ni bəbemon, şinə bo!
Bovə kardəm Tolış bədoy dast bə dast  Co bəkarde kom ro duye, kome rost  Bəzıne əv kiye deşmın, kiye dust  Bəvədə bəji bəbemon, şinə bo!  İ nıbomon ni bəbemon, şinə bo!
Camal Lələzoə