ƏHMƏDOV ƏBDULRZA - ÇIMI SİYO TALO

Şələkə | Yüklə | Download | Скачать




ƏHMƏDOV ƏBDULRZA (1930)
MƏHIT, ÇIMI SİYO TALO
Umur şedə, qədə-qədə davardə,De jimoni kam odəm bəsə vardə.
Oğo bıbi, məhıt, çımı sio talo,Bıhıtoş , dəbəşem peşı bə bəlo.Dardonım conədə qınyə lobəlo.Rujbəruj umur bə dumo oqardə,Qədə dardon bə yolə dard peqardə.
Odəm heste, umur kardə de kefi,Rohət bedə-hıtedə de pıf-pıfi.Kali kəson zarencu bən ji lefi,Bukəkuj emedə hardəy-- pevardə,Umurış de zulmi şedə-davardə.
De coni dardon hejo zubəzumon,De fələki dastbəyəxə, bə zumon.Əcəl nıştə bənə mori bə dumo,Ruj bedə har kəsi deştə bardedə,Bə çəmə sə çiç mandəni vardedə.
Si nıbimon, dınyodə de ve mande,Şəkəs bəşe, əməlonış bamande.Ləvobədast hejo çəmə səmande,Bəvindeş ki, hejo qırdo tı qardə,Bəştı sə çı otəş ni ki, ekardə.
Har kəs bı dınyodə bo marde jiydə,İ ruj bedə çəy umri keşı siydə.Umur dəyən orəxedə, pesiydə,Zəmini qəv esyə, hejo ebardə,Bənəy neçi rəsdə, odəmi hardə.
Umur ve, kam karde demı-detı ni,Çı Xıdo nəzəre, oqətdə tıni.Vaxt rəsyədə bardedə tıni- mını,Bə dəmondə siydə çi dıli pardə,Bəxt hıtedə, odəm kəynə ki mardə.
Əbdulrza de fələki bə canqe,Bə çokyəti tərəf hejo bə vanqe.Çokyətişən i cur ni, ranqbəranqe.Iştə fərə koon bə dim bekardə,Okuşyə çoy ruşnə sutdə, pekardə