FIKRӘT ӘSĞӘRZODӘ
AZ BOTINO, TI BOMINO
Fələki çəx tərsə qarde,
Eqınimon yəndıku co.
Çə rujnəku sute-sute
Kəşedəmon dardı cəfo.
Az botıno, tı bomıno.
Həsrət mandə çəş bə çəşi,
Rəsedəni kəş bə kəşi.
Az Ovşumim, tınən Həşi,
Nəvedəmon həmə dınyo,
Az botıno, tı bomıno.
Bəvi-çəşi arədəmon,
Ni çı dardi çarə, dəmon?
Bo iyəndı nəvedəmon
Mande-mande yəndı tono,
Az botıno, tı bomıno.
Oxo kəynə şo bəbemon?
Dard-ğəmonku co bəbemon,
Tilsimədə obəbemon,
Obəkamon boyəndı ro -
Az botıno, tı bomıno.
Ğıbon bıbo bətı Fikrət,
Hiç tars məkəş, bəşe həsrət,
Bə çəmə dim bəsıre bəxt,
Bəbardemon i dınyo şo,
Az botıno, tı bomıno.