BƏDBƏXTƏ TOLIŞ
Bəhıtej das bə kenə, çanədə bədbəxtə Tolış?
Bəvindej çok bə rujon hanədə bədbəxtə Tolış!
Bəvindej çok bə rujon hanədə bədbəxtə Tolış!
Çı dınyo ço tərəfo oxo omedə ıştı soəx,
Bəştə boy tı, oğo bı oxobəti fikkə i dəğ.
Odəm sutdə-evəşdə əkəs botı kardedə ləğ
Səyku de bə poçə nuxsanədə, bədbəxtə Tolış!
Bəştə boy tı, oğo bı oxobəti fikkə i dəğ.
Odəm sutdə-evəşdə əkəs botı kardedə ləğ
Səyku de bə poçə nuxsanədə, bədbəxtə Tolış!
Məğdoni İskəndəri mot kardə odəm tı nıbij?
"ƏVHESTE" kitobi məydon vardə odəm tı nıbij?
Zolimi, məluni xun ebardə odəm tı nıbij?
Boçi mandəj bəs ısət yanədə bədbəxtə Tolış?
"ƏVHESTE" kitobi məydon vardə odəm tı nıbij?
Zolimi, məluni xun ebardə odəm tı nıbij?
Boçi mandəj bəs ısət yanədə bədbəxtə Tolış?
Rəşto, Nəminoj qətə Biləsə, Mığon Tolışe,
Lik Tolış, Masal Tolış, Ostoro,Lankon Tolışe,
Bandonımon Tolışe, inə zıvonmon Tolışe,
Çandi bıvtome?- Tolışi Xanədə, bədbəxtTolışe!
Lik Tolış, Masal Tolış, Ostoro,Lankon Tolışe,
Bandonımon Tolışe, inə zıvonmon Tolışe,
Çandi bıvtome?- Tolışi Xanədə, bədbəxtTolışe!
Zıvonij, band ku halij, həm millətij, həm Vətənij.
Iştı zıvon votedə Həzrəti Adəmən tınij.
Vırono vəyşt doə Xıdo, Tarix hejo tı ıştənij,
Hələ bot kiy ıştı imkanədə, bədbəxtə Tolış?
Iştı zıvon votedə Həzrəti Adəmən tınij.
Vırono vəyşt doə Xıdo, Tarix hejo tı ıştənij,
Hələ bot kiy ıştı imkanədə, bədbəxtə Tolış?
"Çıl sor nokə jiyesə i ruj ozod jiye çoke",
Imi əvot ıştı mərdə Bıləbandıj Popoke.
İsmayli xun hıriye, şək nışe hiçki pexoke,
Əğə bəj tı ıştə sıxanədə bədbəxtə Tolış!
Imi əvot ıştı mərdə Bıləbandıj Popoke.
İsmayli xun hıriye, şək nışe hiçki pexoke,
Əğə bəj tı ıştə sıxanədə bədbəxtə Tolış!
Bəştı yurdi ısət vələdzinon "cənub" votedə,
Vişonı ancə bedə, zəminıno mılk qətedə.
İ poə nocinsə balon tolışiətiku vitedən,
Bəxtı hiç nıvay bı devranədə, bədbəxtə Tolış!
Vişonı ancə bedə, zəminıno mılk qətedə.
İ poə nocinsə balon tolışiətiku vitedən,
Bəxtı hiç nıvay bı devranədə, bədbəxtə Tolış!
Sulh-İbe-İmon-Rostbe azizə şuarı kıve?
Dışmeni məf kardeje, mərdə balonı pevlo be.
Hiç ımi fik kardənij, çan qılə Alim şəhide?
Çan qılə kiyə okuşyəy kanədə, bədbəxtə Tolış?!
Dışmeni məf kardeje, mərdə balonı pevlo be.
Hiç ımi fik kardənij, çan qılə Alim şəhide?
Çan qılə kiyə okuşyəy kanədə, bədbəxtə Tolış?!
Bımi şahid Xıdoye, dınyoədə niğlə rəğı hest,
Yolı hest, Rəhbərı hest, İmkanı hest, boydəğı hest.
Hiç vaxt həx doəbedəni, bo həxi səyro həxı hest!
Iştı olət co kəson tanədə, bədbəxtə Toliş!
Bəhıtej das bə kenə, çanədə bədbəxtə Tolış?
Bəvindej çok bə rujon hanədə,bədbəxtə Toliş!
Yolı hest, Rəhbərı hest, İmkanı hest, boydəğı hest.
Hiç vaxt həx doəbedəni, bo həxi səyro həxı hest!
Iştı olət co kəson tanədə, bədbəxtə Toliş!
Bəhıtej das bə kenə, çanədə bədbəxtə Tolış?
Bəvindej çok bə rujon hanədə,bədbəxtə Toliş!
ƏBINİ
Bandisə ve band bəne be, hiç band Tolışə band əbıni!
Az qəvədə band votedəm, dışmen dədru kandə bıni!
Az qəvədə band votedəm, dışmen dədru kandə bıni!
Əv əqıni, şat əbıni, ğat əbıni, bıznon ımi,
Bandi ğande Xıdo koye, çə koy co xıvand əbıni!
Bandi ğande Xıdo koye, çə koy co xıvand əbıni!
Bəzne be bıqno buməlarz, bırojno bandon bə Tolış,
Sıvo Xıdo çı Tolışi kanə kəy əğand əbıni!
Sıvo Xıdo çı Tolışi kanə kəy əğand əbıni!
Şinə Tolış, ısət bətı dı kəlimə qəp botom, bızın:
-Bəştə ıştəni soyb beşə milləti rışxand əbıni!
-Bəştə ıştəni soyb beşə milləti rışxand əbıni!
Ğurbinə zoon qılə-qılə boy mədə bə dışmeni çanq
Bənə Mışti oxo co-co anqışton zumand əbıni!
Bənə Mışti oxo co-co anqışton zumand əbıni!
Ve şe dızdə be, karde qin, əmone, səyku moğət bi
Ə xəlğiki pand əbıni, hiç kojən ovand əbıni!
Ə xəlğiki pand əbıni, hiç kojən ovand əbıni!
Mirfəyazim Həxi roədəm, nə bəqardem, nə "bəmardem",
Zındəm ımi, Anburə do hiç vaxt təvə band əbıni!
Zındəm ımi, Anburə do hiç vaxt təvə band əbıni!
Mirfayaz Likməkani